تعالوا نفضفض عن انفسنا هنا؟ في بعض الأحيان كل واحد فينا بيتمنى يكتب أي حاجة في أي حاجة من غير مايفكر وبتلقائية عايز أن يفضفض ويخرج اللي جواه سواء كانت دمعة أو ضحكة أو نفخة غضب أو شهيق إرتياح تعالوا معايا هنا نفضفض سوا ونخلي المكان دا متاح ومباح نقول فيه اللي في نفسنا .. نخرج اللى جوانا يعني اكتب أول شيء يخطر فى بالك .. أيشيء إكتب إحساسك في الوقت دا إكتب شيء عن المنتدى عن زملائك عن مدرستك عن كليتك أو معهدك عنمزاجك أي شيء لو عايز تضحك اكتب ضحكتك لو عايز تعيط ارسم دمعتك لوتريد تكتب كلام مالوش معنى مفيش مانع المهم فضفض وقول اللي في نفسك وكأنك قاعد لوحدك متخفش ومتنكسفش ولا تتردد وإكتب كل يوم وكل ساعة لوحبيت أو حسيت إنك لازم تقول شيء أو تتكلم مع حد فكر بصوت مقروء ( مسموع) أسيبكم دلوقتى مع اللي في قلوبكم ... طبعاً بدون مانغلط فى حد وبدون مانجرح احد أو نزعله وانا اولمن يبدا عشان تكون الفكرة واضحه هكتب وانا بالى رايق دعاء عن الشعراوى بحبه أوى وبقوله دايما " اللهم انى اعلم انى اعصيك ولكنى احب من يطيعك فاجعل اللهم حبى لمن اطاعك شفاعة تقبل لمن عصاك " انا دلوقتى قاعد الساعه 4 العصر وخايف من ردت الفعل عليه اقول مره هيعجبكم ومره تانيه أقول لا مش هيعجبهم اهم شي رضاكم وراحتكم في منتدى شباب 51 وتحياتى لكل الأعضاء والمشرفيين واللي بعدي فتحت لهالباب يكتب اللي في بالهواللى جاوه اللى حاسس بيه واللى لازم يكتبه
Admin
ŁőяĐ ŏƒ мσνίёş
المشاركات : 4141 10/05/1989العمر : 35 http://shabab51111.yoo7.com 9عدد النقاط : 16868سجل في يوم : 09/05/2008 شًِْـِِّغًـِِّآل شًِْـِِّغًـِِّل عًٍـِِّآلـِِّيَ آوٍيَ: (100/100)
اللي انا عاوز اقوله دلوقتي اولا مشكورر يا علي على التوبيك الجامد ده تاني حاجة بئه بما اني هقول اللي جوايا انا الايام دي بيحصلي حاجات غريبه جدا ومش عارف ليه ومش عاوز اعرف يعني مثلا فيه ناس كنت عاوز اكملها ومكنتش بعرف ولما بعدت عنهم هما اللي جم وكلموني وناس تانيه برده لما بعدت عنهم حبوني اكتر م الاول ونفسهم نعمل زي ما كنا بنعمل قبل كده ونفسي اخرج واهزر ونفسي محدش يكون زعلان مني ونفسي حاجات كتير بس لما افكر في حاجة تانيه او تحصلي حاجة تانيه هاجي واقولها
star times šŧдя Ŧΐмэš
المشاركات : 6828 01/09/1990العمر : 33 WWW.ShAbAb51.Yoo7.COM طالب 16عدد النقاط : 18929سجل في يوم : 13/11/2008 شًِْـِِّغًـِِّآل شًِْـِِّغًـِِّل عًٍـِِّآلـِِّيَ آوٍيَ: (100/100)
انا جوايه فخر الان وبردو حزن على شىء وبردو خوف من حاجه انا حزينه على واحده صحبتى طيبه جدا جدا جدا وحصلها موقف كدا طبعا مكتوبلها انو يحصل وقدر الله وما شاء فعل بس انا زعلانه ان دى يحصلها كدا بكل طيبتها دى وكل حبها للناس وتواضعها دا انا استغفر الله مش معترضة على حاجه اكيد ربنا عمل كدا ليزول شىء كبير من زنبها ويغفر لها عنه وخايفه علشان الامتحانات قربت وكل ما تقرب بحس انكل الى انا ذاكرته نسيته ومش عارفه اعمل ايه بس ربنا بقايستر انا عملت الى عليه
Senior Ali عضو متألق
المشاركات : 739 16/10/1988العمر : 35 www.shabab51111.yoo7.com Computer Mainten 20عدد النقاط : 908سجل في يوم : 25/05/2010
موضوع: رد: فضفض بصوت مسموع طلع اللى جواك اكتب ضحكتك وارسم دمعتك الثلاثاء يونيو 08, 2010 3:52 am
شكرا يا أحمد على ردك الجميل دا وميرسى يا سمير على صراحتك ومشكووووووور مانووو على كلامك
انا الوقتى كل اما احس انى عايز اتكلم هتكلم ومفيش حاجه هترجعنى انا الوقتى قاعد الساعه خمسه الفجر ورايا امتحان كمان 3 ساعات واخر يوم ليا ومش هشوف أصحابى تانى وخايف من كلمه وداع تعرفوا نفسى أرجع أولى تانى ومشكلتى انى خلاص هتخرج من المعهد بجد يا بختكو فى حاجات كتير نفسى أعملها بكره هتأسف لكل اللى زعلان منى ونفسى فى حاجه برده بس طبعا مش هقدر أعملها نفسى أخد حبيبتى فى حضنى يااااااااااااااااه احساس جميل أوى انك تعمل كدا خلصت كلامى ومن دلوقتى لبكره عايز أشوف رد من قلب الباب مفتوح للكل تحياتى
Admin
ŁőяĐ ŏƒ мσνίёş
المشاركات : 4141 10/05/1989العمر : 35 http://shabab51111.yoo7.com 9عدد النقاط : 16868سجل في يوم : 09/05/2008 شًِْـِِّغًـِِّآل شًِْـِِّغًـِِّل عًٍـِِّآلـِِّيَ آوٍيَ: (100/100)
والله يا علي كل ما دفعة بتطلع من المعهد بتوحشني اوي عشان بيبقى فيهم اصحابي ومش بعرف اشوفهم تاني بظروفها لو قابلت حد فيهم بس ياريت تبقة تيجو المعهد عادي نشوفكم وتشوفونا مش خلاص بئه ويارب كل اللي انت عاوزه تقدر تعمله
Nanooos
المشاركات : 148 25/10/1989العمر : 34 طالبه 23عدد النقاط : 158سجل في يوم : 31/05/2010